2022 жылдың соңында Алматы қаласы батут гимнастикасынан көпсайыс бойынша Қазақстан Республикасының чемпионатын, сондай-ақ батут гимнастикасынан Қазақстан Кубогін қабылдады.
Болгарияда өткен әлем чемпионатынан кейін бірден оралған ұлттық құрама мүшелері де осы республикалық жарысқа қатысты.
Құраманың үздік спортшылары жоғары деңгейде өнер көрсетіп, өз біліктілігін растады.
Жекелей сында:
1. Мұсабаев Данил (Қарағанды)
2. Тасмағамбетов Ерлан (Қарағанды қ.)
3. Барков Роман (ШҚО)
Синхронды секіру:
1. Мұсабаев Данил (Қарағанды) және Алиев Пирмаммад (Шымкент)
2. Тасмағамбетов Ерлан (Қарағанды) және Барков Роман (ШҚО)
3. Галицкий Сергей (Солтүстік Қазақстан облысы) және Бектұров Батырхан (Павлодар)
Қос минитрампта секіру:
1. Ищенко Виктор (Шымкент)
2. Грачев Игорь (ШҚО)
3. Парфенов Даниил (Павлодар)
Еске сала кетсек, Болгарияда өткен соңғы әлем чемпионатында біздің спортшылар финалға шыққан болатын. Мұсабаев – Әлиев жұбы синхронды секірулердің финалында 6-шы нәтиже көрсетті.
Сондай-ақ, FIG әлемдік рейтингі бойынша отандасымыз Данил Мұсабаев батут гимнастикасынан 2022 жылғы әлем кубогінің қорытындысы бойынша 153 ұпай жинап, 1-орынға ие болды.
Сонымен қатар жас топтары арасындағы әлем чемпионатында бақ сынаған жасөспірімдер құрамасы да тамаша нәтиже көрсете алды. Жекелей сында Павлодарлық Виктория Бутолина 2-орынға ие болса, Оралдық Ислам Қабдолов акробатикалық жолда күміс медаль жеңіп алды.
Қазақстан гимнастика федерациясы «Samruk Kazyna Trust» әлеуметтік жобаларды дамыту қорына спортшыларды дайындауды ұйымдастыруда көрсеткен көмегі үшін алғысын білдіреді. Сіздердің қолдауларыңыз бен бірлескен жұмысымыздың арқасында еліміздегі гимнастика деңгейі одан әрі өсетініне сенімдіміз.
