Болгарияның София қаласында көркем гимнастикадан халықаралық турнир өтіп жатыр. Сайыста Қазақстан атынан гимнастшыларымыз Сабина Бакатова мен Эрика Жайлауова жекелей сында өнер көрсетуде. Ал Францияның Тие қаласында Гран-при кезеңінде Милана Парфилова ел намысын қорғауда.
Бүгінгі көпсайыс нәтижесі бойынша Эрика Жайлауова жалпы 116.300 ұпаймен әзірге 5-орынға жайғасты. Эрика шығыршық, доп, ұршық пен таспа жаттығуларының финалдық кезеңіне жолдама алды.
Сабина Бакатова 106.000 қорытынды ұпаймен шығыршық жаттығуының финалына өтті.
Милана Парфилова Гран-при кезеңінде көпсайыс нәтижесінде 7-көрсеткіш көрсетіп, финалдық сайысына өте алды.
Финалдық сайыстар ертең өтеді. Спортшы қыздарымызға сәттілік тілейміз!