Ароса қаласында (Швейцария) өткен батут гимнастикасы бойынша әлем кубогы аяқталды.
Бұл жарыста Қазақстан сапынан Данил Мұсабаев пен Пирмаммад Әлиев өнер көрсетті.
Біздің спортшылар жарыстың барлық кезеңдерінде белсенділік танытып, синхронды секіруден 5-орынға ие болса, жеке есепте Данил Мұсабаев аз ғана айырмамен медальдан бір қадам қалып, 4-орынға тұрақтады. Пирмаммад Әлиев жарысты 20-шы орында аяқтады.
Алда гимнастшыларымызды Софияда (Болгария) өтетін әлем чемпионаты күтіп тұр. Сәтті дайындық пен жеңіс тілейміз!
